رساله لأبناء السعوديه ..!! MANWELLA ..~

السلآم عليكم ورحمه الله وبركآته ..~

وبعد .. 

بدون المقدمآت اللي كالعاده نسردها حبيت ادخل بالسالفه الموقره ..~

بمناسبه يوم ميلادي للسنه الهجريه 23 / 11 / 1433 هـ 

حبيت اني أكتب رساله للوطن تحتوي على :

" أعتذار و عتب و وأمنيه "

قبل ان نطوي السنه الجديده وقبل ان نقلب صفحآت سنه 1433 هـ 

حبيت أكتب هالموضوع حتى هالصفحه تنطوي مع السنه ونفتح صفحه " نقيه صافيه بيضاء " ..~

الموضوع هو عن الوطن .. 

واليوم الوطني اللي من جفره لدحديره     .. 

وكل سنه يتدهور حالنا بهذا اليوم }~

خلوني اقتبس لقطات من يومنا الوطني في السوابق الى هذا العآم .. 

مجرد يجي يوم وطني يكون فيه مكرميه من والدنا القائد ربي يحفظه للوطن 

ويلبسه ثوب العافيه اليوم وغداً وأبداً ..

والدي الملك " عبدالله بن عبد العزيز آل سعود " ..

مجرد يعطي إيجازه تبدأ اهازيج غريبه من شباب وبنات الوطن .. 

خلوني أفتح هذي الفرحه اللي تغمر أبنائنا :

( 1 )

تشجيع الأطفال وتعليمهم على رقصات مخصصه لليوم الوطني ..

الله على العائله .. الله على المشهد .. رقصه اليوم الوطني لازم تمسك العلم الأخضر بكلمه التوحيد ولا مايعتبر احتفلت  ..

 وتوقف بوسط السيارات .. و ياسلام عليكم يالسعوديه  }~

الله بسسسس الله ع الوطنيه ..

( 2 )

تبيع الحياء والدين والتربيه هذا من قوانين هاليوم .. 

لازم البنت تطلع مع النوافذ وتهيص وتصارخ بهاليوم .. لو ماتسوي كذا ماتعتبر سوت شي ابد  ..

واللي العن من هذا الشباب يشجعونهم .. وراهم ورقصني ياقميل .. 

لا حيا ولامستحى .. والمشكله يجون ثاني بعد ماتنشر صورهم

و يقولون استغفر الله ..!!

( 3 )

هذي عاد نقطه مهمه باليوم الوطني .. 

تتفصخين فوق السيارات وتلبسين العلم بكلمه التوحيد كفستان .. 

ورأصوني رأصوني  .. خير ياماما ؟؟

عاد كله كوم واللي يجي يقول مو سعوديات كوم ثاني .. لعن أبو حيكم " علم دولتكم " 

كلمه التوحيد قدامكم تتراقص فيها بجسدها ومستمتعين بالتصوير ؟؟ 

أي وطنبه أسألكم بالله ؟؟ أي وطنيه هذي ؟؟ 

( 4 )

عاد هذي الصوره حاله خاصه ..

مبين من جسمها وشكلها ام 16 أو 15 سنه .. اوكي نمشيها .. 

يجي واحد يقول لي البنت صغيره واضح من وجهها ؟؟ خير ياماما ؟؟ 

ياخي جدتي اللي يشوفها يقول " بيبي فيس " يحسبها ام 20 سنه >>> يارب سامحني على النصبه ..~

والله صدق فيه كبار اشكالهم 15 سنه .. 

بعدين وش اللي صغيره انا يوم اني بعمر الـ 15 سنه وانا البس عبايه الراس ومتنقبه بالشارع حتى القفازات والشرابات لابستها

واطلع ماأشوف طريقي .. وانتم تقولون لي صغيره ؟؟ 

وماالعن منها الا اللي يرقصها .. يقولون اخوها .. اذا هذا أخوها ونعم التربيه  ..~

قال أيش قال وطنيه ..!!

( 5 )

فتحت السياره من فوق لازم تفتح ومن شروط هالفتحه باليوم الوطني لازم بنت تطلع منها ..!!

أبي اعرف وش الحكمه ؟؟ 

أسألكم بربن خلقكم بأمن جابتكم وأبو رباكم أبي احد يفهمني يشرح يعلل ليش ؟؟ 

واضح انهم صغار هذولي .. بس علموهم للحياء مو للدشاره .. 

ياخي استحووووووو .. غارو على بناتكم ..

هذولي اللي كبرهم بعايلتنا لابسين عبايات وطرحات بالشارع ..

بس للأسف الحياء ماعاد موجود ..~

لحد يقول لي وطنيه توطنت تسبودكم إن شاء الله ..}~

( 6 )

عطوهم صفقه بالله  ..~

عندي كعب جديد طول الكعب 12 سم .. وماجربته للحين ..

اللي يقول لي صغار هذولي ولا يقول لي بيبي فيس بجرب الكعب عليه .. }~

صدق مافيه حياء .. يعني لازم تهزين وسط الرجال ولا ماتحتفلين ؟؟ 

طيب هو سؤال يوم الحساب تواجهين ربك عن هاليوم وش تردين عليه ؟؟ 

تقولين وطنيه ياربي وطنيه ؟؟ 

ياعالم امسكو هالمجانين .. والله لو الشباب يسحبون عليهم ولايصورونهم ولا يعطونهم وجه انهم يعقلون ..

بس معطينهم وجه بزياده ..

تخيل لحظه وانت جاي تبي تحتفل باليوم الوطني وآآآآآآآآآآآآآآآآو ياشباب بنات بنات بنات خلونا نروح لهم نصورهم ..~

كذا فجأه انت وشلتك رايحين ورافعين جوالتكم تصورونهم و " رأصني رأصني "

وفجأه تشوف أختك من بينهم  ..!!

ادري وش بيكون رد كل شاب يقرأ هالكلآم .. بس مثل شعورك هذا حطه ببنات العالم لاتصور 

لاتوقف لهم انصحوهم واحد اثنين ثلاث أربع كل الشباب يستغفرون حولها وينصحونها هي بتعقل .. 

الى متى التخلف ؟؟

( 7 )

هذولا يقالهم عاد محترمين شوي  ..~

يعني جالسين بأدب وحياء .. بس أبي افهم العبايه ليش رافعينها ؟؟ 

ولا حسافه الكشخه ومحد يشوفها ؟؟ 

انا ماأشره الا على وش اسموه هذا اللي يصورهن ومنزلن الصوره

ياملا الصمرقع على وطنيتن تعرفونه قولو آمين ؟؟

العلم عارفين وين مكانه ؟؟ 

عارفين وين يكون علم المملكه العربيه السعوديه ؟؟

مكانه مو فستان ينلبس .. ولا طرحه تتلثمون فيها .. ولا أسوأره على اليد تنوضع 

العلم فيه كلمه توحيد " لاإله إلا الله محمد رسول الله "

عارفين هالكلمه وين مكانها ؟؟

مكانها عالي لأبعد حد .. مكانها ترفرف بالسماء عالي ..

ـــــــــــــــــــــــــــــــــــــــــــــــــــــــــــــــــــــــــــــــــ

الشباب اللي فاكين خششهم ترا الدور لكم الحين مو بس البنات .. 

بس انتم غير .. انتم بخاطبكم خطاب بدون صور لان أبي أجيب نتايج أبداعكم الوطني

حتى نصفق لكم ..

الحين أبي أسألكم وكل واحد يجاوب بصراحه بينه وبين روحه : 

1 / الحين هاللي يصبغ سيارته أخضر × أخضر كلها ويغير ملامحها وش تحس ؟؟

واللي يغير اللون ويغطي اللوحه وش يعني أفهمها ؟؟ 

قال استغل الوطنيه حتى المرور مايشوفون اللوحه .. انتم عارفين ان المرور عليهم مسؤوليه وطن .. 

مسؤوليه شايلينها لحمايه هالوطن .. وانتم مستهترين ليييييش ؟؟ 

2 / يوم انك تمشي بالشارع وتتعدى الأشاره طاير بهذا اليوم وش يعني بالضبط ؟؟

وطنيه ؟؟ 

ماتفكر ان ممكن يجي أبوك أو أخوك مع اهلك بسرعه قانونيه ونظام قانوني 

وتقشه ويروح فيها أبوك أو اهلك ..

وقتها وش بتسوي ؟؟ بتقول وطنيه ؟؟ اي وطنيه اللي راحت فيها روح اهلك ؟؟ 

اللي موجودين بالوطن هنا كلهم أهلك كلهم أخوانك ليش تضرهم بتهورك ؟؟

3 / اللي يوقفون بالأشاره وهي لونها أخضر .. يعني انطلق

توقف وتنزل وترقص وتغني .. طيب ماعندك علم ان فيه ناس عندها شغل وضرف طارئ

ويبي يتعدى الاشاره ضروري وانت واقف ترقص ؟؟ 

طيب أسعاف أخر الشارع يبي طريق وانت موقف ترقص ؟؟

مافيه احساس ان ممكن هاللي بالاسعاف اخوك او احد من اهلك ؟؟

4 / اللي لما يشوف بنت يسوي جمهره اصدقائه .. ويفكون كاماتهم للتصوير 

ماعندك ضمير واحساس انك جاهرت بمعصيه ؟؟

طيب حس لو كانت وحده منهم أختك وش كان ردك واصحابك يصورونها ترقص بوسطهم ؟؟ 

كيف تلتقي بأصحابك وقتها ؟؟ لك وجه ؟؟ لك عين تواجههم ؟؟ 

كيف ترضا تجمهرهم على خواتك ؟؟ 

هم عملو الخطآ انت أستر عن خطاهم وأنصحهم ووجهم مو تجمهر عليها ..

5 / اللي يستغل هاليوم كرمال ملذات هالدنيا .. مافكرت ان لايجتمع اثنان الا والشيطان ثالثهم ؟؟

مافكرت ان ربك شايفك ؟؟ ماتفكر بالحساب ؟؟

بس حط براسك كما تدين تدان .. يعني احتمال اللي تسويه يرجع لبيتك مع اختك .. 

بترضاها لأختك ؟؟ طيب ليش ترضى لبنات الناس ؟؟ 

ليش تستغلون هاليوم بملذات الدنيا ؟؟ ليش محد يفكر بالأخره ؟؟

انتو عارفين انكم في أخر زمان .. وكل علامات الصغرى بدأت تظهر لنا .. 

ليش تسوون كذا ؟؟ 

لفت انتباهي مقطع باليوتوب لليوم الوطني من عام 1429 هـ ..

ومازلت احتفظ فيه بما فيه من معنى و انجاز شباب للوطن ولكن ..!!

في المقطع راح تشوفون الشباب الاربعه :

 رائد السعيد - محمد الرحيلي - يزيد الغريبي - عبدالله أبا حسين 

http://www.youtube.com/watch?v=7PBE8TrfkBM

بأختصار المقطع في بدايته عن حوار الشباب والانجاز لليوم الوطني

وانهم طبعو دعاء السفر في كروت وطنيه مميزه للسيارات

ووزعوها مجاني على " كل من مر من حولهم " 

وفي نفس الوقت انو يجمعون كل كرت يسقط على الارض ..

فكم من كرت وجدو بالاخير ؟؟

المقطع يتكلم اما أنا " لا تعليق " ..!!

في نهايه المقطع لفتني سؤال المذيع للشباب الوطني المحتفل : 

ماهو اليوم الوطني ؟؟

ليش تحتفل باليوم الوطني ؟؟

ياليت كل واحد يقراء السؤال يجاوب عليه قبل يشوف المقطع 

لان بكل معاني الأعتذار للوطن لأن مافيه أحد منهم يعرف جواب هالسؤالين

المشكله حتى تاريخ اليوم الوطني مو عارفينه ولا عارفين ايش كان ..!!

بالله كيف تحتفلون بيوم تجهلونه ؟؟

كله كوم واللي يقول استقلال الوطن كوم .. 

اما اللي يقول هو يوم تحرير السعوديه خير ؟؟

في أي كتاب هالمعلومات جايبينها إذا ممكن ؟؟ 

ـــــــــــــــــــــــــــــــــــــــــــــــــــــــــــــــــــــ

الآن أبي اعرض لكم مشاهد من اليوم الوطني هذا العام 1433 هـ / 2012 م 

نتآئج تهور تحت رآيه " وطنيه "

( 1 )

الطفل عبدالله أبن الدكتور طارق الحبيب ..وهو مع عائلته 

~> كلمه طفل بالاحمر كتبتها لكم بالعريض

بسبب سرعه وتهور الشباب تحت رايه " وطنيه "

ماأكتملت فرحه طفوله عبدالله بهذا اليوم وهو مع عائلته .. 

بسبب تهور أشخاص لاتبالي .. فأي وطنيه اللي ماأدركه روح طفوله ؟؟

أي وطنيه اللي وضعت عبدالله في هذا الحال ..؟

وين مشاعركم ؟؟ وين أحآسيسكم في معنى الوطنيه ؟؟

قتلتو فرحه طفل .. فأي وطنيه تتكلمون عنها ؟؟

( 2 )

ومن جده .. اللي يقولون عنها " جده غيييييييير " .. 

لم تكتمل فرحه شاب بسبب تهور وفرحه وطنيه ..

سقط شاب من السياره ومن الكوبري وهو رافع علم المملكه ليطرب وطنيه ..

والعالم ماشاء الله فقط للتصوير جاهزه .. الكامات جاهزه .. 

فأي وطنيه اللي مافيها حس لأنسانيه ..؟؟

شاب يسقط بدل محاوله انقاذه نباشر بالتصوير للحدث ..~

طيب وش تنتظرون يعني ؟؟ بيطير سوبر مان ؟؟ ولا شنووو ؟؟ 

ولا بيقوم يقول نمزح معكم ؟؟ 

شاب طاح من اعلى الكوبري تصوير ليشششششششش ؟؟

الى متى وحنا نمسك كامات بكل حدث ؟؟ 

انا معي كآم .. وأصور الأحداث الجميله أصور شي يرفع رأس وطني ..

أصور معالم للوطن أحبب العالم فيها .. اما احداث مأساويه تتصور ليشششش ؟؟

يعني حابين منظر الشاب وهو يطيح ؟؟ 

انا مدري لمتى الجهل بأستعمال الكامات .. 

( 3 )

الشاب زياد الأحيدب .. كان ضحيه من ضحايا هذا اليوم ..~

لايوجد معلومات كافيه عن زياد ... ولكن الأصح ماقيل لحد اليوم أن الشاب زياد تعرض لحادثه

تصادم سياره شاب به .. 

بالله عليكم أسألكم باللي خلقكم معجبتكم هذي النتآيج ؟؟ 

معجبكم الوضع الوطني ؟؟ 

معجبكم هذا اليوم ؟؟ 

كم طفوله ضاعت بهذا اليوم ؟؟ 

وكم عائله فقدت أبن ووضعته تحت الترآب ؟؟ 

وكم من شخص نام في السرير الأبيض ؟؟ 

كم من شاب جلس خلف القضبان بسبب تهور ؟؟ 

كم فتاه ضيعت كرامتها بسبب طيش ؟؟

كم من حاله سرقه ؟؟

كم من حالات الدمار ؟؟

كم وكم وكم ..... ولا نكتفي من احصاء " غرائب هذا اليوم "

تقولون العطاله ؟؟ أي عطاله اللي تسبب هذا الشي ؟؟ 

اي عطاله اللي ضيعت أرواح ؟؟ 

عطاله تخليكم تطعنون وطن بتهور ؟؟ 

عطاله تقتلون ارواح طفوله وبرائه أطفال ؟؟ 

أسألكم بالله عن عذر مقنع ؟؟ 

أبي جواب مقنع بسسسس عن هالشي اللي يصير ؟؟

ـــــــــــــــــــــــــــــــــــــــــــــــــــــــــــــــــــــــــــــــــ

خلونا بنفس المجال الوطنيه .. 

بس أبي اتكلم عن اللبس .. اللبس اللي نشوفه باليوم الوطني 

بشكل عام البنات والشباب ...}~

أسألكم بالله وش هاللبس ؟؟

1 / لبس العلم فستان .. " لاتعليق "..!!

2 / ربط العلم على العنق >>> كلمه التوحيد صارت شال ..؟

3 / اللي لابس ثوب أبيض وراشه أخضر >>> هذا حاله خاصه يبي لهم أخصائي .. 

4 /  ربط العلم على الأطفال >>> ماتفكرون انه طفل ومايدري وش محتوى هالعلم ؟؟

طيب ياجماعه انتو عارفين ان فيه علم للسعوديه أخضر لونه

وفيه سيفين ونخله

لكن للأسف ماأشوف العلم هذا باليوم الوطني ؟؟ 

ولا ماتحسون بالوطنيه صدق الا مع أهانه لكلمه التوحيد ؟؟

وربي بكل معاني التعآزي ارسلها لوطني وبكل محبه من قلب أعتذر للوطن 

وربي مو هذولا عيالك ومو هذولا يناتك .. 

حنا مو كذا .. مجرد افتح جوجل استحي من اللي أشوفه .. 

بس أكتب يوم وطني يطلع لي فضايح وطني وديرتي بهاليوم .. 

ليش مايطلع اليوم الوطني للأمارات لقطر للبحرين ليوم الوطن الكويتي او البناني او الاردني ... الخ ..؟؟

ليش كلمه يوم وطني بمحرك البحث اقتصرت على " ديرتي " ؟؟؟

هل يعقل وصلنا لهذا الحد من الأستهتار ؟؟ 

أستهتار بوطن .. أستهتار بكلمه التوحيد .. أستهتار بطفوله 

وبالاخير يقولون : " وطنيه " 

هذي كلها جوانب سلبيه للوطن ولليوم الوطني الفآجع بمعنى أصح ..~

عذرآً لك ياوطني .. 

انا شخصياً ماحبيت أكتب الكلام هذا الا من القهر اللي أشوفه 

لما أشوف برائه طفوله تنهدم .. جمعه عائليه تنقص .. فرحه لاتكتمل .. رايه التوحيد تنعدم لدى البعض

ارتقو ياخواني ارتقو ياخواتي ..

هذا مو وطنكم بس .. هذا وطن اجدادكم ابائكم وطنكم ووطن ابنائكم غداً .. 

جملوه .. احسنوه .. ارفعو رايته 

معقوله تهدم وطن ابنائك بيدك ؟؟ 

تقدر تقول لولدك انا باليوم الوطني كنت اسرق كنت اهدم كنت اصدم كنت افحط ؟؟

تقدرين اختي تقولين لأبنائك انا باليوم الوطني ارقص فوق السيارات البس العلم كالفستان ؟؟

أعذروني مو منطق .. ومافيه اي تبرير لأي شي يحصل 

اتمنى منكم تشوفون هالمقطع هذا من أوله للأخير 

ومحد يتجاهل لا الكلمات ولا يتجاهل شي فيه

http://www.youtube.com/watch?v=mCVDZu3z6mI&feature=player_embedded#!

عقلانياً

لو فرضاً أجتمع شباب من كذا عائله او اقارب وكل واحد دفع مبلغ اللي يقدر عليه 

واخذو استراحه أو شاليه عائلي .. واجتمعو واحتفلو مع بعض ؟؟

فيها عيب ؟؟ 

لحد يقول من وين ادفع او مستحيل او مدري وش .. 

الفلوس اللي قطيتوها تلونون السيارات وتخربطون على وجيهكم وتشترون الخرابيط 

اجمعوها واكسبو اجر لوناسه اطفال العائله تحت امن وآمان منكم ..

فيها عيب هذي ؟؟

شفيها لو جمعتو بزارين عائلتكم أو حارتكم او حيكم

ببيت من البيوت وخليتوهم يتونسون مع بعض وجبتو حلويات ووزعتوها عليهم

وتفرحونهم بدال مايكونون بين الشوارع يتراقصون ؟؟

شفيها لو مجموعه بنات صحبات وصديقات كل وحده تسوي طبق معين

وتتفقون تجتمعون في بيت وحده منكم وتجلسون سوا واكشخو والبسو اللي تبون }~

وانزعو عباياتكم وصحباتكم يشوفون كشختكم .. وارقصو واستانسو 

فيها عيب ؟؟ ولا لازم رقص فوق سياره ؟؟ 

اذا لازم سياره جيبو سياره بنص البيت وارقصو فوقها بدون تجمعون شباب :/ ..~

اذا فيه أحد يقول لي ان هذا عيب يقنعني مثل ماأنا راح اقنعكم الآن :

البس الوطني الحقيقي

وقلبوووووش .. هذي بعض الصور للأطفال بهذا اليوم ..

بالله وانتم تشوفون اشكالهم ماحسيتو ان فيهم نوع من الوطنيه ؟؟

ماتحسون ان فيهم نكهه للوطن ؟؟ 

ماتحسون ان فيهم فخر للوطن ؟؟

ربي يحفظهم يارب .. 

عائله من العوائل اللي اعطت معنى الوطنيه الحقيقيه لأبنائهم

مثلت الوطن بالزي الوطني التراثي العريق ..

ماحسيتو في أشكالهم برائه أطفال ؟؟ 

ماتحسون فيهم حس تراثي ؟؟ 

نكهه بدويه رمز للأصاله .. كلنا فيها نفختر ..~

صوره من ملتقى عزوتي بحائل اقتبستها لكم

الصوره لأجمل زي تراثي وطني }~

مجرد تشوفون الصوره ورونق البنات فيها وطلتهم .. 

ماتحسون ان فيهم نكهه وطنيه حقيقيه ؟؟

ربي يحفظهم ..

بنات من أجمل البنات تألقو بأجمل زي وطني تراثي }~

هل هم يستحقون احتفال بالوطن او لابد من سياره ورقص فوقها ؟؟

وهذا طابع أخر من أطفال الوطن .. 

بالله عليكم شوفو لبسهم .. ماتحسون انهم وطنيين بعد ؟؟ 

مافيه ولا واحد فيهم لابس شي اخضر او علم او غيرها .. 

ولكن طابع الوطنيه واضح .. 

من الشكل تحسون انهم فعلاً هم ابناء الوطن ..

أب يمسك بيد أبنائه ليحتفل معهم باليو الوطني ..

مالبسهم علم بكلمه التوحيد ولكن حسسهم بالوطنيه بالقلب }~

متجه الى احدى المدارس اللي مسويه احتفال للوطن ..

هنياً لهم هذا الأب ..

شباب من ثانويه " القريآت "

احتفلو باليوم الوطني بشكل غير .. 

كل واحد فيهم مسك سله " شوكولا أ وحلاو بمعنى أصح " 

وحاولو يوزعونها على المواطنين والشعب اللي على السيارات بطريقه غير مزعجه حتى

ماأعتقد أن فيها خجل الحكايه ..؟ 

احد منكم يفشل انه يساهم في سعاده ناس ويحسسهم بالوطنيه ؟؟

حائل كان لها طابع غير باليوم الوطني

1/ في منتزه المغواهـ بحائل .. كان اجتماع شبابي أو خاص للشباب ..

يقولون كل شي عوائل صاير والله غلطانين .. 

الصوره راح تتكلم لكم الان عن شكل للمنتزه وكيف كان هالسنه 

السيارات كانت مصفوفه .. الموقع للشباب .. 

ماكان فيه اي مشاكل بالمكان .. بدون حوادث او كوارث ..

بدون مايكون زحمه بالشوارع وازعاج للعالم .. 

2 / في ممشى الامير سعود بن عبدالمحسن كنت بقلب الحدث ..

كنت مع عائلتي اجلس .. تعجبت بلحظه مجموعه من الشباب صافين طوابير على الممشى

وكان لهم احتفال بعيد عن جلسات العوائل .. 

صافين طوابير تصفيق وطرب و ضحك .. 

كان في امكاني اروح اصورهم ولكن كونهم فئه شباب ماراح اقدر اكون بينهم للتصوير 

للحين ماضاع الحياء اللي فيني الحمد لله ..

ولكن هذي بعض النقلات الإيجابيه للوطن لازم مانتجاهلها عند التطرق للسلبيات ..

وفيه كثير مماثله لها واهني عليها .. ولكن تطرقت للي شفته بعيني من ايجابيات }~

ولكن هل يمكن نصنع للوطن ايجابيات بدون سلبيات ؟؟

لحد يقول لا مانقدر .. 

لا نقدر ونص .. بس نبي عقول نبي تفكير نبي ناس تفهم .. 

نبي احساس .. 

الى متى راح نعيش بوسط ضياع كذا؟؟ 

انا مو كاتبه الكلام حتى اسدح سلبيات او ايجابيات

او اني اتهجم على ابناء الوطن بشي .. 

بالعكس أنا اكتبها لغرض معين اكتبها رساله لأخواني وأخواتي 

رساله اتمنى توصل لكل ابناء وطني .. 

رساله بسيطه تبي فقط فكر اتزان طاقه .. صدقوني طلب بسيط ..

ومحد يقول ماأقدر .. لان مافيه سبب معين يخليه مايقدر }~

اتمنى من كل قلبي قبل تنطوي صفحات هالسنه الجديده

كل شخص يطوي معها كل هالكوارث والحوادث والمصايب 

ويطوي معها كل التفكير الاستهتاري والتفكير الغير لائق

نبي سنه جديده تبدأ نقيه صافيه بيضاء .. 

سنه حب للوطن .. نبي رقي للوطن .. نبي نرفع راية الوطن ..

نبي نرسم فرحه وطنيه لكل طفل .. بدون ندمرها او نقتلها }~

محد يقول عطاله فضاوه ..

جنوب افريقيا مجاعه وعطاله وفضاوه وماعندهم شي مو لاقيين لقمه عيش

حنا نتذمر ليش ؟؟ 

قولوا الحمد لله .. مهما كانت الضروف الله موجود .. 

نفرح بديننا نفخر بتربيتنا بعوايدنا بتقاليدنا 

نعرف هالأطفال بالوطن بطريقه حضاريه بتفكير راقي ..~

الى متى وحنى نرجع لورا ؟؟ 

هي رساله وحده بس اتمنى الكل يسمع ويرددها 

" حسو بالوطنيه قبل ان تعيشونها " 

لانه مو علم .. ولا لون أخضر وابيض .. ولا حتى اغاني ورقصات

الوطن أرض فيها انولدنا و نمينا وتربينا

وفيها نعيش .. وفيها نمشي ونترزق فيها اكلنا وشربنا .. وعليها ننام ونصحى

وفي ترابها بندفن ..

يارب ان تجعل هذي اليوم لايتكرر في السنوات القادمه }~

من كل قلب اكتب الكلام لكم واتمنى احساس في كل كلمه .. 

وقت تفقدون انسان في هذا اليوم راح تندمون وش بيفيدك الندم بعدها ؟؟ 

لازم تفقد انسان حتى تعتبر ؟؟ 

اتمنى من الاخير كل شاب وشابه في ارض وطني يقراء هالكلام 

يحط وعد برقبته انه يطوي هاليوم مع السنه الجديده وانه مايتكرر في السنوات القادمه

أنه يرتقي بالوطن عالي .. ويمنع كل من يحاول يدمره ..

مع اعتذار للوطن 

وحب لهذا الوطن 

كنت انا هنا أختكم 

MANWELLA TAMIM

1433 هـ / 2012 م

×

×

×